Cəmiyyətin tərəqqisinin, dövlətin gələcəyinin ən möhkəm dayaqlarından biri təhsildir. Təhsilin keyfiyyəti isə, ilk növbədə, bu sahədə çalışan insanların fədakarlığından, biliyindən, vətənpərvərliyindən və peşə məsuliyyətindən asılıdır. Bu mənada, Bərdə şəhəri Milli Qəhrəman Elgiz Kərimov adına 4 nömrəli tam orta məktəbin direktoru Gülnarə xanım Əliyeva öz fəaliyyətində bu dəyərlərin daşıyıcısı, təhsilə sədaqət rəmzi, gənc nəslin maariflənməsi yolunda həyatını şam kimi əridən bir təhsil fədaisi kimi tanınır. Gülnarə müəllimə uzun illərdir ki, təhsil sahəsində yorulmadan çalışan, məktəbin idarə edilməsində müasir yanaşmanı, pedaqoji kollektivdə isə həmrəyliyi və qarşılıqlı hörməti əsas prinsip kimi qəbul edən bir rəhbərdir. Onun rəhbərlik etdiyi Bərdə şəhər Elgiz Kərimov adına 4 nömrəli tam orta məktəb bu gün Bərdə şəhərinin nümunəvi təhsil ocaqlarından biri kimi tanınır. Burada tədris prosesinin keyfiyyəti, şagirdlərin nailiyyətləri, müəllimlərin peşəkarlıq səviyyəsi və valideynlərlə qurulan səmimi münasibət sistemi məktəb rəhbərliyinin düzgün idarəetmə modelinin nəticəsidir.
Gülnarə müəllimənin pedaqoji fəaliyyəti sadəcə inzibati idarəçiliklə məhdudlaşmır. O, təhsil prosesinə dərin biliklə yanaşır, hər bir müəllimin və şagirdin fərdi potensialını üzə çıxarmağı bacarır. Onun əsas məqsədi məktəbi yalnız tədris ocağı kimi deyil, həm də mənəvi dəyərlərin, milli ruhun, vətən sevgisinin formalaşdığı bir mərkəzə çevirməkdir. Bu baxımdan o, “əsl pedaqoq” anlayışının canlı təcəssümüdür. Məktəbin direktoru kimi Gülnarə müəllimə daim yeniliklərə açıqdır. O, tədris prosesinə yeni texnologiyaların, rəqəmsal tədris üsullarının tətbiqinə xüsusi önəm verir. Müasir dövrün tələblərinə uyğun olaraq, o, müəllimlərin peşəkar inkişafını təmin edən seminarların, metodik təlimlərin, təcrübə mübadilələrinin təşkilinə böyük diqqət göstərir. Onun təşəbbüsü ilə Bərdə şəhər Elgiz Kərimov adına 4 nömrəli məktəbdə keçirilən müxtəlif layihələr, fənn həftələri, elmi-praktik konfranslar və sosial aksiyalar təhsil mühitinə yeni nəfəs gətirib.
Gülnarə xanım Əliyevanın rəhbərlik etdiyi kollektivdə hər bir müəllim və şagird özünü dəyərli hiss edir. O, əməkdaşlarının əməyinə yüksək qiymət verir, onların təşəbbüslərini dəstəkləyir, problemlərin həllinə insanilik və ədalət prinsipi ilə yanaşır. Bu xüsusiyyətlər onu təkcə peşəkar rəhbər kimi deyil, həm də qayğıkeş insan, pedaqoji ailənin mənəvi dayağı kimi tanıdır. Onun fəaliyyətində vətənpərvərlik və dövlətə sədaqət xüsusi yer tutur. Gülnarə müəllimə hər zaman Prezident cənab İlham Əliyevin təhsilin inkişafına yönəlmiş siyasətini dəstəkləyir və bu istiqamətdə həyata keçirilən islahatların fəal iştirakçısıdır. O, “müasir məktəb – güclü dövlətin təməlidir” prinsipi ilə fəaliyyət göstərir. Məktəbdə şəhid ailələrinin övladlarına, qazilərin uşaqlarına, aztəminatlı ailələrdən olan şagirdlərə xüsusi diqqət və qayğı göstərilir. Bu isə onun həm insani, həm də vətəndaşlıq borcuna sadiqliyindən xəbər verir.
Gülnarə müəllimə üçün təhsil bir peşə deyil, həyat missiyasıdır. O, hər zaman bildirir ki, “müəllim olmaq üçün sadəcə bilikli olmaq kifayət deyil, həm də ürəkli olmaq lazımdır.” Bu sözlər onun fəaliyyətinin ana xəttini təşkil edir. Məhz bu yanaşma sayəsində məktəbdə yaradılan səmimi və sağlam mühit şagirdlərin elmi biliklərlə yanaşı, mənəvi dəyərlərlə də zənginləşməsinə xidmət edir. Gülnarə xanım Əliyevanın rəhbərliyi ilə Bərdə şəhər Milli Qəhrəman Elgiz Kərimov adına 4 nömrəli məktəbin şagirdləri respublika fənn olimpiadalarında, müsabiqələrdə, idman və incəsənət yarışlarında dəfələrlə yüksək nəticələr əldə ediblər. Bu uğurların kökündə məktəbdə formalaşdırılmış düzgün təlim-tərbiyə sistemi, müəllim-şagird münasibətlərində qarşılıqlı hörmət və motivasiya dayanır.
Onun haqqında həmkarları “nümunəvi rəhbər”, “dərin düşüncəli pedaqoq”, “maarifin keşikçisi” kimi fikirlər söyləyirlər. Şagirdlər isə onu “hər kəsin dərdinə biganə qalmayan, dinləməyi bacaran, böyük qəlbli insan” kimi tanıyırlar. Bu gün təhsil sistemində Gülnarə xanım Əliyeva kimi fədakar şəxslərin varlığı ölkəmizin gələcəyinə olan inamı daha da möhkəmləndirir. O, həyatını uşaqların savadlı, vətənpərvər, dəyərlərinə sadiq vətəndaş kimi yetişməsinə həsr edib. Onun fəaliyyətində bir məqsəd dayanır: Azərbaycanın gələcəyini formalaşdıran gənclərin təhsil səviyyəsini yüksəltmək, onlara biliklə yanaşı, mənəvi güc aşılamak.
Gülnarə müəllimə bu gün Azərbaycan təhsilinin fədakar simalarından biridir. O, vəzifəsini sadəcə bir iş kimi deyil, müqəddəs bir missiya kimi yerinə yetirir. Onun fəaliyyəti sübut edir ki, təhsil sisteminin inkişafında əsas amil yalnız dövlət proqramları və maddi resurslar deyil, həm də bu sahəyə könüldən bağlı, vicdanlı, vətənini və uşaqları sevən pedaqoqlardır.Gülnarə müəllimə – əsl pedaqoqluğun, insani dəyərlərin və fədakarlığın simvoludur. Onun həyat devizi sanki belə səslənir:“Elm və təhsil üçün çalışan insan – millətin ən böyük sərvətidir.”
Bizdə Tehsil.info.az ( Təhsil Az ) FB kollektivi olaraq Bərdə şəhər Milli Qəhrəman Elgiz Kərimov adına 4 nömrəli tam orta məktəbin direktoru Gülnarə xanım Əliyevaya iş fəaliyyətində uğurlar arzu edirik
