Azərbaycanın müxtəlif bölgələrində olduğu kimi, Tərtər rayonunda da dövlətə, dövlətçiliyə sadiq, Vətənə bağlı və öz əməyi ilə seçilən insanlar var. Onlardan biri də uzun illərdir rayonun sosial-iqtisadi inkişafına özəl sektorda töhfə verən, eyni zamanda xeyirxahlığı ilə tanınan Vüqar müəllimdir.
O, təkcə sahibkar olaraq deyil, həm də vətəndaş mövqeyi, humanist dəyərləri və sadə insanlara olan diqqəti ilə tanınır. Vüqar müəllim illərdir ki, Tərtərdə sahibkarlıqla məşğul olmaqla yanaşı, aztəminatlı ailələrin, şəhid və qazi ailələrinin yanında olmuş, cəmiyyətin dəyərli təbəqələrinə dəstək göstərməkdən qürur duymuşdur.
Vüqar müəllimin sahibkarlıq fəaliyyəti bir çox gənc iş adamlarına örnək ola biləcək səviyyədədir. O, fəaliyyətində qanunlara hörmət, vergi ödənişlərinə diqqət, işçilərə münasibət və sosial məsuliyyət prinsiplərini əsas tutur. Onun təşəbbüsləri ilə Tərtər rayonunda yerli məhsulların istehsalı, kənd təsərrüfatı sahəsində inkişaf, yeni iş yerlərinin açılması istiqamətində önəmli addımlar atılmışdır.
Vüqar müəllim Prezident İlham Əliyevin sahibkarlığın inkişafına dair çağırışlarını hər zaman rəhbər tutur və bildirir:
“Cənab Prezidentin sahibkarlara verdiyi dəyər və dəstək bizim üçün böyük stimuldur. Biz də öz növbəmizdə, bu etimadı doğrultmağa, ölkəmizin sosial-iqtisadi inkişafına töhfə verməyə çalışırıq.”
Vüqar müəllimin cəmiyyət tərəfindən bu qədər sevilməsinin əsas səbəblərindən biri də şəhid ailələri və qazilərlə bağlı göstərdiyi həssas münasibətdir. O, bir çox şəhid ailəsinin həyat şəraitinin yaxşılaşdırılmasına dəstək olub, müxtəlif yardımlar göstərib, qazi övladlarına təhsil və işlə təmin olunmaqda kömək edib.
Bu addımlar təsadüfi deyil. Bu, xalqımızın qəhrəmanlarına, vətən uğrunda canından keçənlərin ailələrinə verilən yüksək dəyərin və vətəndaşlıq borcunun ifadəsidir.
Qurban Bayramı – həm dini, həm də insani dəyərləri özündə birləşdirən müqəddəs bayramdır. Bu bayram münasibətilə Vüqar müəllim hər il olduğu kimi bu il də onlarla aztəminatlı ailəyə, şəhid və qazi ailələrinə qurban paylarının çatdırılmasını təşkil etmişdir.
O, yalnız yardım göstərməklə kifayətlənmir, şəxsi olaraq ailələri ziyarət edir, onların qayğılarını dinləyir, hər zaman onların yanında olduğunu bildirir. Bayram günlərində etdiyi bu səmimi görüşlər və dəstək addımları sadəcə yardım deyil, həm də böyük mənəvi dayaqdır.
Vüqar müəllim bayramla bağlı fikirlərini belə ifadə edir:
“Qurban Bayramı bölüşmək və birlik deməkdir. Allah rizası üçün edilən hər yardım, hər qurban paylaşımı cəmiyyətimizdə həmrəylik ruhunu gücləndirir. Ən böyük mükafat aldığım dualar və insanların sevincidir.”
Vüqar müəllim haqqında danışan hər kəs onun təvazökar, səmimi, hər kəsə əlçatan bir insan olduğunu vurğulayır. Onun üçün vəzifə və imkanlar bir vasitədir – xalqına, dövlətinə, ətrafına xidmət etmək üçün.
Tərtər rayonunun inkişafı və sosial rifahı yolunda əməyi olan sahibkarlardan biri kimi Vüqar müəllim həm iqtisadi sahədə, həm də sosial məsuliyyət baxımından örnəkdir. O, həm bir iş adamı, həm də bir xeyirxah kimi dövlətin sosial siyasətini dəstəkləyir, Prezident İlham Əliyevin rəhbərliyi ilə həyata keçirilən bütün təşəbbüslərə dəstəyini əməli şəkildə nümayiş etdirir.
Belə vətəndaşlarımızın olması cəmiyyətimizin mənəvi sütunlarını gücləndirir, birlik və bərabərlik ruhunu yaşadır. Vüqar müəllim isə bu baxımdan Tərtər rayonunun dəyərli simalarından biri kimi yadda qalır.
